Мурат Каримов
Продукт һәм технологияләр
Баш биткә
ИкеТел турында
ИкеТел татар телен өйрәнүне һәм сөйләм технологияләрен үстерүдә катнашуны берләштерә. Монда беренче сүзләрдән башларга, балачактан таныш телгә кайтырга яки Voice аша үз сөйләмең белән уртаклашырга мөмкин.
Максатыбыз
Татар теле иртәгә дә яңгырасын.
Татар теленең көндәлек тормышта — гаиләдә, дуслар белән аралашканда, укуда һәм цифрлы дөньяда яшәвен телибез. Безнең өчен бу — туган тел һәм киләсе буыннарга тапшырырга кирәк булган мәдәният. Өйрәнүне, сөйләшүне һәм телнең киләчәгенә өлеш кертүне җиңеләйтә торган кораллар булдырабыз.
Моңа ничек ирешәбез
Өйрәнергә булышабыз
Кыска дәресләр беренче сүзләрдән аралашуга таба аңлаешлы юл күрсәтә. Үз темпыңда өйрәнергә, сынап карарга, ялгышырга һәм күнегүләргә кире кайтырга мөмкин. Тел белән танышу һәркем өчен уңайлы булсын, аны тормышта кулланырга сәбәпләр артсын — безнең өчен шул мөһим.
Чын сөйләмне җыябыз
Voice-та катнашучылар татарча кыска җөмләләр яздыра һәм тикшерүгә җибәрә. Бу язмалар сөйләмне тану һәм яңгырату технологияләрен үстерү өчен кирәк. Катнашу ирекле: кеше мондый өлеш кертергә телиме икәнен үзе хәл итә һәм язманы җибәрер алдыннан шартлар белән таныша.
Нигез салучылар
ИкеТелгә Мурат Каримов һәм Ильшат Рахимбай нигез салды.
Ильшат Рахимбай
Мәдәният һәм җәмгыять
Телнең киләчәге безнең гамәлләрдән тора.
Яңа сүз өйрәнү, якыннар белән татарча сөйләшү яки Voice-та җөмлә яздыру — һәркем телгә якынаюның үз юлын сайлый ала.